.png)
“老”師 共融教室創辦人方兆允
寫於2019年3月15日
早前招人面試，其中一位申請人是 “老”師，有幾老? 81歲!
“老”師: 多謝您比機會老人家
我: 客氣! 您係前輩呢
“老”師: 老喇，無用喇
我: 唔係既…… (下刪幾十句)
我: 您身體OK嘛?
“老”師: OK! 我之前去甘迺迪中心代課，日日放學都要行半個鐘上斜到大馬路坐車，辛苦呀，咪當做運動囉
我: 哈哈
“老”師: 總之您比嘢我做啦，我一至五都可以教，唔係，係一至六都得架……”
開口老埋口老，或者講無用喇唔識嘢喇，近來觀察，不論知識份子還是目不識丁、專業人士還是商界老手都係咁，只係重覆講定係間中講，無奈。是人大了必然無信心還是香港社會太殘酷呢?
靜靜話您知，佢破左紀錄，成為本社企最年長的同事，真 “老”師! 求才若渴? 係呀，"老"師上世紀七八十年代已經係特教班(特殊教育)負責人，才也；咩人都要? Sorry, we count on talent not age.
後記2021年2月27日
大家估下 “老”師有沒有繼續工作? 很可惜，沒有。
部分學校反映，“老”師與特殊教育學生相處時，可多加鼓勵少加批評，尤其言語上。
有人會問，唔批評又點會改善呢? 中國人較愛批評，是事實，但特殊教育學生已常被批評，再批評真的有效? 其實我們的信念只有；要提供學生願意學、並用學生能入腦的方法。
吸收了今次經驗，我們加強了職前培訓的節數及深度，並希望加入在職期間支援。
配合現代人步伐，除實體課外，我們加入網上片段及持續評估。
多謝“老”師，真的讓我們上了寶貴一課。
銀髮教師培訓 – 耆才計劃
Comments