探索興趣之路

「要收購一間公司，要研究得好仔細、好深入，比其他行業的工作性質很難比較。」Edward亦樂於分享當基金經理的箇中心得：「呢份工唔簡單！唔單止要捱得、要鍾意思考，更需要深思熟慮。同時，又要有卓越的表達能力，去說服老闆做收購。寫完計劃書，要解釋為何要咁做。」不論是MBA的理論學習，還是現今工作的能力，都是在重重壓力下迫出來的。有現在的成就，Edward自言一點也不易為，他從中學懂了變通之道：「職業好似一條直路，彷彿係高速公路。當你行得好快，直奔終點，人人都去得到。如果你只關心成功（目標是否達到），很難會有滿足感。反而，如果當係去森林探險咁，鍾意多啲樹嘅，去樹林果邊；聽到有水聲，就可以去研究下水；對動物有興趣嘅，就走去研究下動物……咁樣不停行，知道要轉就轉，只要有足夠理由去試、去轉，你會搵到自己喜歡嘅事，探索，而不是走平坦大道路！（Career is a self-exploration, not a path created by others to follow!）」

他很欣賞發展金融體系的前人，那時他們創立了很多東西，有很多新鮮意念。到今日一切發展成熟，愈來愈少人願意增值，只懂在現有制度下爭一杯羹或走灰色地帶，競爭多於要創新，投機多於投資。所以，Edward剛出道工作時，很仰慕那些願意冒險、創新的人：「我好佩服王維基，因為正常人黎講，賺咗咁多錢就算啦，但佢仍然敢於創新。另一個例子係PayPal老闆Elon Musk，即使賺咗好多錢，都仍將啲錢投資落三間新公司。呢啲就係好為理想，而呢啲理想仲一啲都唔執着，而係好切實。以前覺得識玩財技、有眼光、睇時機、識享受、炫耀生活係叻人，而家反而覺得有本事承受風險、對世界有正面的影響先值最得欣賞。當然賺到錢而願意去做慈善，又係另一類值得佩服嘅人。」這亦促成了Edward創立慈善基金的念頭。